Ccà ce ne vonno spiccie

Ccà ce ne vonno  spiccie

pe ce levà d’’e ‘mbiccie

cu 'e ggente attuorno attuorno

che fanno  pua pua.

Quanno aiesce è nu laturno

truove sempe

a chi manca qualche cosa,

a chi tene ‘a sacca rotta

e a chi spera cchiù botte

can un fanno maie remmore.

E’ n’amico…e nun le daie

l’aiutino ca te chiede,

ca passato chistu guaio

te ritorna comme a sempe?

Ma cu ll’ate comme faie ?

Comme faie? che vuò fa ?

Te sturie n’ata via….

jesce ‘e sera, Jesce a reto…

ma è na via chiena ‘e prete

ca si cade e te faie male

a chi chiamme….

e po’ che ddice

quanno arriveno ll’amice

ch’è chiammate ?

Ca nun tiene cchiù cavalle e scurriato ?

Ma a quant’anno?

E si dico ch’eivo ‘ntiso nu remmore

‘e qualcuno cu na mala ‘ntenzione..

Forse è meglio ca me cocca,

che m’addorme

ca si passarrà ‘a nuttata

c’’a furtuna ca me trova

pigliarrà ‘a bonafficiata.

Ostia Lido 05.04.2020