Serenata

Nun tengo cchiù passione

manco pe na canzone,

pe nu suspiro tuio

ca tanto m’è ngannato.

Na serenata resta

nu bello sentimento

ma si tu duorme e ‘a sentono

sultanto ll’ata gente ‘e chesta via

pare cchiù nu fastidio

ca io te vengo a dà.

LL’ate ‘o sanno ‘e me e te

ma ‘o rìesto che le ‘mporta ?

Fatto nu suonno chino.

E’ meglio ca ripuoso

e io penzo a ati ccose

forse n’ata guaglione.

Si nun te vado a genio

tu m’’o putivo dì

ca nun passavo a notte

a me nfreddulì.

Soscia nu viento

dint’a chistu vico

e che t’’o dico a ffà

tu ‘o saie già

ca pure ‘int’a lestate

si sempe raffreddata

e cu l’uocchie lucete

comme a nu brillante.

Tu sta casa a vante

e nun te ne vuò asci.

Dice ca vide ‘o mare

e ca te fa mpazzi.

Famme saglì na vota

vengo a parlà cu patete

si no stu sicchio d’acqua

a chi me l’ha vuttato ?

Gioacchino Ruocco

Ostia Lido           09.07.2020