ca cu stu bbene 'e Ddio
te guode 'o tuio
e stu penziero mio
quanno t'arriva.
'O paraviso mio
è fatto 'e ati ccose.
Nu sciato, na parola, nu penziero.
Duie uocchie ca te guardeno e te vonno
sulo pe lloro
sulo pe gulio
'e te resta vicino
n'atu ppoco.
E' chisto 'o ffuoco c'appicciammo a casa,
ca chi ce trase se n'esce nun vulenne
e appenna già penziere
pe n'atu juorno
cu 'a scusa 'e ce turnà.
Si tu me 'ntienne
guodete stu mumento
a nun scufirà pe ati ccose.
'O munno pur'isso s''arreposa
quanno ce addurminmo.
'E vvote 'int'a nutta è maletiempo,
ma cu nu titto 'ncapa
se dorme e nun 'o siente
Dimane ne parlamme
te suonne e dice
e cuntinue felice 'o suonno
ca te staie facenno
fino a te scurdà
ca staie durmenno.
Dimane ne parlamme
p'appennere o 'n appennere
chello ca sta carenno.
Ostia Lido 23.07.2020
Gioacchino Ruocco
Nessun commento:
Posta un commento