Facimmo a chi songh’io e chi si tu
quase tutt’’e juorne
ma nun te leive ȃ tuorno
nu mumento.
Te miette ‘nnante
comme a nu monumento
ca mano na tempesta
te ne porta
e ȃ dint’’a sporta
ca te puorte appriesso
tire tutt’’e mestiere tuie
ca so’ tante,
cchiù ìe tutte ‘e dete
ê chesti mmane.
Mò che vuò dire ?
T’è miso attuorno
e nun me lasse ‘e pede nu mumento.
Qua sacremneto
ancora me vuò dà ?
Viate a te
ca n’è ‘mbarate tante.
Putisse addeventà
cchiù vote sante
senza fa ‘e miracule ca fanno.
Invece
facimmo ancora
a chi si tu e ’io
senza cagnarce ‘e cape
comme a prete.
E pe nun fa vedè ca so’ cchiù aveta
te lascio ‘ncopp’a preta
addo t’è miso
e io ‘o lato ‘e vaso
fino a pare nu ‘mpiso.
Nessun commento:
Posta un commento