'E vaccinazione...

 

‘E vaccinazione…

 

Me stongo vaccinanno

ȃ che so’ nnato.

Accumminciaie

quanno fernette ‘a guerra

e po’ na vota pe na cosa,

na vota pe n’ata

me songo vaccinato

tant’‘e chelli vvote

c’’o vraccio mio

pare ‘na scola pasta,

o nu passino

si ‘o bbuco è piccolino

fatto ȃ nu masto.

 

‘E lisce ‘ncopp’’e bracce

‘e tengo ancora

comme ‘e grade ‘e sergente,

‘e capurale

quanno ‘e leva

facette ‘o marenare.

 

Mò so punture

ca fanno ‘o culo tanto

e t’è avascià ‘e mutande pe t’’e fà

‘o ncopp’a spalla

ca doppo nun ce ‘a faie a cammanà

o a tenè ‘o ppapavallo mmano.

 

Gioacchino Ruocco

27.03.2021   Ostia Lido