Comme a n’auciello freddegliuso
i’ sto suffrenno ‘a quanno m’è
lassato
e nun credevo che m’ero ‘nnammurato
accussì tanto ‘e te.
Quant’acqua sta cadenno!
E ‘ncielo nun ce stà nu buco
pe nu poco ‘e sole.
Penzo ca i’ moro
primmo ‘e stasera.
Nu friddo ‘ncuollo
Cc sott’’e penne tremmo.
Si canto nisciuno me po’
sentere,
ma po’ che canto a ffà ?
Nun songo uno ‘e chillo
ca scrivo ‘e poesie!
Tu ch’ire ‘a vita mia
chi ‘o sa addò staie ?
Che friddo! Sbatte ‘e scelle
pe me leva ‘a cuollo
tutta sta pecundria,
ma ‘nmiez’a via
so’ ll’uneco a passà.
Si fosse marzo
schiuvesse ogne tanto,
ma ccà ce vò nu santo,
si no nun ‘a fernesce.
Ostia Lido 20/10/2012
Inserita nella raccolta “
Suspire ‘e miezojuorno”
di Gioacchino Ruocco
Nessun commento:
Posta un commento