‘A lasagna

Lasagna di Cinzia Cripe - Dal blog "Il gusto dei ricordi"

                                    Che te mange ? ‘O bbene ‘e Ddio ?

                                    Ce sta dint’a sta lasagna

tanta rrobba ca int’a n’anno
‘nn ‘o consumo.
E muglierema me fa:
- Assaggialla, ‘mpont’’o musso.
Si sapisse quant’è bbona.
Ce agge mise dudice ove
p’’a farina e ‘o rignemiento,
‘o salame paisano,
carne trita e mozzarelle
e na bella ricuttella,
parmigiano a vuluntà,
peselline primavera
c’’a ventresca, ‘e cepulline
sale, pepe e vino janco
p’’a dà gusto e cunzulà.
Nu ragù ‘e pummarola,
sempe chelle paisane,
steve a cocere ‘a nu juorno,
ma che ddico a na semmana
ca cchiù coce…
ma sta attiente
ca nun addà piglià sotto
ca si no nun è cchiù bbuono
manco dint”o votta votta..
A chi ‘o presiente!
‘Nzomma. Sta lasagna
é nu turmiento.
Cchiù l’assagge
e cchiù cagne 'e sentimente.
Quant’è bbona !
Chi l'ha fatta
tene overo ll’arte ‘e mmane.
Guagliunciè, dammece sotto
si no dura na semmana.

Gioacchino Ruocco
Ostia Lido 11/02/2013

Per la ricetta visitare "Il gusto dei ricordi"