L’ammore ca te mpara
comme s’hadda campà
pe mme nun è n’ammore
e lascete ‘o spiegà.
Ammore è patto chiaro
ca simme ognuno uguale
ca io nun so’ nu fesso,
tu cchiù deritta ‘e me.
Sia ammore vo’ fà scola
nun servene ‘e quadierne.
Si brava in matematica
e io nu pataterno
ncopp’ a tantata cose.
Si tu piglio nu terno,
io vencio affuggiata.
Chillo ch’è furtunato
é chillo ch’è cuntento
c’all’ato è juta bbona.
Ma si accummience a dicere
chesto tu nun ja fà.
allora avimme perzo
l’ammore e ‘a libbertà.
E' meglio ca me scuso
e me ne vaco appriesso
c’’a vita cagne via
e tutte vanno ‘e presso.
E io nun pozzo perdere
‘o tiempo cu ‘a maesta,
si stongo nzieme all’ate
pur’io voglio fà festa.
Gioacchino Ruocco
Ostia lido 19/02/2013
Inserita nella raccolta “Tipt…
ma guarda quanti tipi”
Nessun commento:
Posta un commento