Che maraviglia…

Che maraviglia…

Tengo na voglia ‘’e starme dint’’o lietto,

pe mpazzi mbracci’ ‘a na bella guagliona,

pe nun me scurdà addore

‘e ‘na femmena giovane,

‘na femmena vera,

sincera, affatata,

mugliera o ‘nnammurata

 ca essa se sente ‘e essere

o sulamente l’idea

c’’a tanto nun provo,

pe nu penziero ca me trattene

ca quanno me vene

me ne riporta

p’’o lungomare

addò vaje e rituorne

te guarde attuorno

ch’è chino ‘e sguarde

ca guardeno e guardeno

pe scegliere qualcuna

comme a quanno guagliune

ce guardavemo sperute

uno cu n’ato,

ca si pe caso

dint’’o parapiglia

te perdevo ‘e vista

m’‘o facevo annanze e arreto

n’ati ciente vote

fino a ca nun  te truvavo.

Tengo na voglia

ca ogne vota ca torna

me porta a quanno te canuscette,

e cchiù forte me piglia

‘o ricordo

c’ancora tengo ‘e te

ca m’appartene.

Che maraviglia

si stisse

ancora

ccà

cu me.

Gioacchino Ruocco

01.04.017   Ostia Lido