A Umberto Cesino

A Umberto Cesino

U. Cesino - Pescatori

Chesta è fatica overa,

chesta è passione

quanno a mez’ora libera ca tiene

piglia e mette ‘o core addò te piace.

‘O core fa miracule.

Te mette ‘o viento ‘mpoppa.

Nun dice vate cocca,

ma faie e faie

e nun saie a dò te vene 'a forza.

Dint’’e vene ‘o sangue rire

e nun vide ll’ora ‘e fernì

p’’o purtà ‘o llargo

addò na refula ‘e viente

finalmente

tene ‘a guardà ‘nfaccia a chi le piace,

capace ‘e jì pe mare

pure ‘ncoppo a na scorza ‘e noce

cu na priezza

ca fa festa  ’a brezza

quanno te sferza ‘a faccia.

Gioacchino Ruocco

17.08.2017       Ostia Lido