‘On
Mimì Santoro..
Quanno tiravo a sceveca
erano ll’ati tiempe.
A vvierno ‘o mare friddo
nun deva nu fravaglio
e l’aglio ‘int’a tiella
l’unico cundimento
pe duje file ‘e pasta.
Nu cenceniello
manco a ne parlà
e ghierano nzalate
‘e rafaniello,
nu turzo e na cepolla
‘nziem’’o pane.
Quann ‘a stagione
pisce a centenare
zumpaveno int’’a rezza
fino a tarde.
Alice, fravuline
e qualche seccia.
Doje triglie belle grosse
e po’ ‘e fravaglielle a nun fernì.
Mò ‘nterr’a rena
me vene ‘o friddo ‘ncuollo.
Na varca a ciente metre
manco a dirlo.
Mmiez’a stu mare
ce sta nu spiretillo
c’’o stà facenno amaro.
Facce duje passe
e già me so’ stancate.
M’assetto ma nun trovo
‘o mare ca m’arricurdavo.
Forse me scordo
o m’aggio sunnato
‘o tiempo ch’è passato.
Me guardo attuorno
e ‘un saccio cchiù a nisciuno.
Quann’anne tengo ?
‘A quanno nun ce vengo ?
Pare ca so’ cagnate
pure ‘e prete d’’a villa.
Mi giro arreto
e nun te trovo cchiù.
Io so Mimì Santoro!
Sento na nustalgia ‘e te
ca n’atu poco more
e ‘o saie ca me rencresce?
E si io ‘un te trovo ?
Vulesse campà ancora!
Almeno ccà
Sta ancora ‘o busto tujo.
Ma si un ce truvammo
addò appengo ‘e panne
ca manco ‘e guarattelle
ce stanno ‘e papà tujo ?
Gioacchino Ruocco
31.08.017
Inserita nella raccolta Dimane ne parlammo
Mi raccontava, durante la mia
fanciullezza , che era stato compagno di giochi di Raffaele Viviani
davanti alla struttura in legno
che il padre organizzava all’ora degli spettacoli che organizzava, nella zona
affianco all’attuale Circolo nautico, dove anche negli anni cinquanta e
sessanta era presente una struttura adeguata ai tempi gestita da altri soggetti
dediti all’arte dello spettacolo.
Appresi da Don Mimi Santoro la
poesia di Raffaele Viviani che recita a
Dudece anne a tridece…
Aveva un negozio in via Nocera dove attualmente c'è un negoazio Il DECORATORE. Vendeva Edizioni Bideri e spartiti musicali mentre la figlia la piccola merceria.
Nessun commento:
Posta un commento