'E muorte 'e famme . (Atto unico.)

Pesca col rezzaglio

'E muorte 'e famme .

               Atto unico.

'O tiempo 'e ce mangnà

tutt''o tiano

'e pasta c''o ragù.

Na pizzaiola,

cu assuoccie ‘e palettella.

Ddoje fronne 'e scarulle

cu na pummarulella

e mezà palatella

'e ll'atu juorno

e po' fernuto è 'o pranzo.

'O mangà nuosto.

è chello ca ce avanza

'int''a crerenza

a quanno pavavemo a pesiello

a quanno a mmare

nun scenne cchiù na vuzzariello.

Ogge a tenè pacienza

p''o rebbeto

nun truove cchiù nisciuno.

Ogge pe pavà

ce sta nu tiempo

'a ccà a ll'eternità

si nun te daie a fà.

Pe purtà a casa

te tocca fà mestiere

ca nun vulisse fà.

Cchiù tuosto

io m'accire

ma nun vaco a rrubà.

Songo nu murto 'e famme

ma tengo dignità

e m'arrepezzo 'e vota

'arezza e 'a vutto a mmare

ch'è lunico cumpare

ca nun se tira arreto

e aonna e sempe aonna

cu na pacienza tale

ca me jettasse a mmare

pe me cunzulà.

Gioacchino Ruocco

Ostia Lido   13.05.018