Cunteme nu cunto...

Cunteme nu cunto

Cunteme nu cunto,

me voglio arrepusà nu poco,

cu ‘e mmane dint’’o ffuoco

nun ce voglio cchiù stà.

Tra ‘a vita e ‘o mare

nuie tenimmo ‘a villa,

ma stammo ancora

a ce sceppù ‘e capille

pe ce ‘a gudè nu poco.

Nun saccio ‘a quantu tiempo,

’a quann’ero guaglione,

nun se fa cchiù

na cosa bbona

a stu paese

e chi ne fa ‘e spese

songo chille

ca nun teneno partito

o so’ partute

pe nu turnà maie cchiù.

Guagliona mia,

levame ‘a cuollo sta malincunia

primmo ca chiudo ll’uocchie.

Matalena ‘e capocchia

ha fatto ‘a fine soia

e io faccio ‘a mia

stanno luntano a te.

Na vota ogne tanto a ce vedè,

na vota ch’è na vota

cchiù felice

ca dice ca vuò sta cu mme

e invece pure tu

perepè perepè perepè

truove na scusa

e nun te faie vedé.

Gioacchino Ruocco

Ostia Lido   17.10.018