Lettere a Don Rafele Viviani

Le sedie che ho annotato con l'immagine che ho rintracciato in Google Map mi hanno suggerito di aprire una rubrica/confessionale per chi ha bisogno di sfogarsi cordialmente e non volgarmente
con Don Raffaele Viviani scrivendo a

               gioacchinoruocco@libero.it

           con acclusa liberatoria alla pubblicazione. 

Gli anonimi sono eslusi per mancanza di civiltà, di identità e di responsabilitità. 

                                                                    Gioacchino Ruocco

A don Raffaele Viviani

Don Rafè, è overo c’’o busto vuosto stà cu ‘e spalle ‘o mare, ma, nun saccio, si ve ne site accorto c’’a banchina ‘e Si’ Catiello nun ce sta cchiù ?  Stanno ‘e  spalle, ‘o saccio ca nu putite vedè che succede  a reto a Vuje, ma cu tanta gente ca ve passe ‘nnante e se lamenta ‘e chello ch’è stato fatto ‘mmiez’a sta ville, almeno qualche chiacchiera v’è arrevata.

Nun me dicite can 'un avite  ‘ntiso niente o nun l’avito capite.

Cu tutto 'o rispetto è avere ch’ireve nu stucchione quann’ireve guaglione,  

ma cu ‘a sensibilità vosta nun è possibile!

Si fusseve ancora guagliunciello …. Aggio capito, aggio capito ca nun ve ne ‘mporta niente. 

‘O Mare mò sta fore, quase a ciente metre ‘e chello ca steve primmo.

Pur’io so stato guaglione . N’aggio visto tante  e tante c’allurdemo, comme succedette pure a vuie, lasciaie Castiellammare e me jette ‘ncopp’o mare a navigà e po’ a Torino.

Pigliaie nu poco sciato, ma stevo proprio male stanno luntano. 

Si nun fosse stato pe Cesare Pavese, me fosse ridotto proprio na fetenzia. 

Ll’anema mia nun s’è maie arrese. pure si me chiammaveno terrun 

facette tanta amicizia e ne jevo tuorno tuorno

senza me piglià scuorno.

 E vvote me ne jevo all’Alfiere addò na sera ‘ncuntraie a Nino Taranto…. 

Truvaie dint’ a ll’orchestra nu paisano ca sunava ‘o contrafagotto. 

Eremo pariente, ma scusate ‘e chiacchiere. che ve ne 'mporta vuie-....

Mi site state overamente caro, n’esempio , 

ma ‘o tiempo passava inutilmente e m’arrennette.  

Lascie ‘o triato, a Don Mimi nun ‘o truvaie cchiù 

e mò tra vuie e’o mare hanno misi ciente mentre ‘e arena.

Stu fatto me fà na pena ca s'alluntana 'o mare

chi 'o mare tene l'addà tenè caro.

Non me dicite ca ‘o sentite ancora ! 

Si no io more ‘e ‘mmiria pure si mò, addò stongo ‘e casa 

‘o tengo ‘nnante a l’uocchie ogne mumento. 

Luntano a Vuie me sento perzo. 

Comunque ve manno nu saluto, spernno ‘e ce vedè. 

Cu tutt’e sentimente ca prove pe vuie. 

Giachino Ruocco

da 

Ostia Lido 14.11.2018







Lettera del 22.02.019

O guappo vuosto é nu guappo 'nnammurato, 

'o guappo mio è uno 'e chille c'anno perza 'a pacienzia 'e suppurtà
tutt''a fetenzia ca sta città s'acchiappa 'a quanno,
pure  'o Vesuvio 'a seppellette pe c''e a fà scurdà.

G. Ruocco

Dichiaramento

Chello c’avanza

‘o botte ‘mmocca ‘e lupe d’’a paranza

ca si, n’attemo, ce pienze

‘a fine ca te faccio fa

avanze ‘o pere

e te lieve ‘a miezo

e scuorde

chello ca me vulisse fa.

Io songo cchiù carogna ‘e na carogna

ca quanno uno a ogne

e ‘un c’è rispetto adda sapé

chello ca po’ l’aspetta

‘o juorno appriesso

si nun ‘o trovo a nnanze

llà pe llà

pe na zumpata p’’o pognere int’a panza.

Pure si ‘e tiempe so’ cagnate

‘e carugnene songo sempe ‘e stesse.

‘E vvote penzano

ca si te fanno fesse

nun te n’adduone,

c’ormaie so crisciute

ma pe nuie vicchie

basta na meza parola

p’’e sgamà.

Comme a nu perocchio

‘ncopp’a na riggiola

‘o mette ‘o pede ‘ncoppa

e ‘o leve a miezo.

Spurcarme ‘e mane ?

Sti ssole ‘e sotte scarpe

ce songo abituate a fetenzia

ca tutt’’e ssere lasciate mmiez’a via.

Gioacchino Ruocco

22.02.019  Ostia Lido