Chello c’avanza ‘o botte ‘mmocca ‘e lupe d’’a paranza.....

Dichiaramento

Chello c’avanza

‘o botte ‘mmocca ‘e lupe d’’a paranza

ca si, n’attemo, ce pienze

‘a fine ca te faccio fa

avanze ‘o pere

e te lieve ‘a miezo

e scuorde

chello ca me vulisse fa.

Io songo cchiù carogna ‘e na carogna

ca quanno uno a ogne

e ‘un c’è rispetto, adda sapé

chello ca po’ l’aspetta

‘o juorno appriesso

si nun ‘o trovo a nnanze

llà pe llà

pe na zumpata p’’o pognere int’a panza.

Pure si ‘e tiempe so’ cagnate

‘e carugnene songo sempe ‘e stesse.

‘E vvote penzano

ca si te fanno fesse

nun te n’adduone,

c’ormaie so crisciute.

Ma pe nuie vicchie

basta na meza parola.

Comme a nu perocchio

‘ncopp’a na riggiola

‘o mette ‘o pede ‘ncoppa

e ‘o leve a miezo.

Spurcarme ‘e mane ?

Sti sole ‘e sotte scarpe

ce songo abituate a fetenzia

ca jate lascianno ‘a sera mmiez’a via.

Gioacchino Ruocco

22.02.019  Ostia Lido