Ne so' passate 'e anne (dal 1963 al 2019) (56)

Ne so' passate 'e anne.

Cu 'a cartulina 'e sotto

ero guaglione,

doppo c'ascettemo d''a guerra.

Cu 'a primma nun tengo cunfidenza.

E' da 'o sissantatre

ca ce ritorno 

quanno trovo 'o tiempo,

quanno me sento stanco

e 'un tengo

na ragione pe jì a 'nnanze.

Quanta dulure 'e panza

c'aggio passato.

Ce turnavo d'estate,

ma 'a ggente nun se cagne,

'un s'è cagnata.

Se fanno sempe 'a stessa passiata

e po' torneno a casa

p'abbuffata,

pe se magnà

'e sacrficie 'e tutta na semmana.

Sarraggio scrianzato,

ma quanno campe fore

me pare

ca perdenno 'o bbuono e 'o malamente

fernisce c'appartiene 

a ll'ata ggente

e nun capisce cchiù

che vò tutta sta ggente

ca regne 'a villa

e 'o riesto d''a semmana

fanno 'e 'ndifferente

o 'e malamente

comme si nun tenesseno

maie niente 'a fà
nisciuno a chi penzà.

Gioacchino Ruocco 

24.02.019   Ostia Lido