NOVENA di San CATELLO
ai suoi compaesani
Si chello ca facite ‘o juorno mio
‘o facisseve pure ll’ati juorne
addò‘e vvote me giro attuorno e veco
sulo ‘o Pataterno acciso ‘ncopp’a croce…
Ritornello
Fusseve
‘e meglie,
‘un
me pigliasse scuorno
d’’e
juorne amare
ca
me mettite ‘nnanze
ca
so’ dulure ‘e panza
pe
me ‘gnotte.
Invece p’essere ‘o patrono ‘e sta città
me tocca fà ca ‘o Pataterno accetta
ca io pe vuie faccio penitenze
ca nun avesse fà p’evità l’inferno.
Ddoie vote ll’anno, nun avasta
ca mò ce manca ‘a pasta e doppo ll’uoglio,
‘a cunnimma,’a cunsevere ca Cirio
ha chiuso e se ne care senza fatecà.
Mo ce s’e miso pure chill’at’ acciso
ca vo lassà ‘a ggente ‘nmiez’a via
ce aggio parlato già ma fa ‘o preciso
e io tuosto: - Tu nun te muove ‘a ccà.
‘Ncopp’a cuscienzia ‘a tiene sta fatica
fatte pe te piglià sultanto ‘o tuie
E quanno parle parleme c’’o Vuie
si no c’’a mitria Io te spacco ‘a capa.
Nun ‘e manna a ll’inferno ditto e fatto
mannece chillo ca c’è fatto 'o pacco
e nun te sento ca nun tene core
pe chille c’’ha lasciato ‘a n’anno fore.
'A ggente more ca addà murì
ma maie disperate e mmuorte 'e famma
Uh , Dio mio! Falle vedè ancora chi cumanna
sta tarantella ca s''e fà sempe cchiù amara...
Gioacchino Ruocco
Ostia Lido 19.01.2021 h 09.00
Nessun commento:
Posta un commento