Faticammo assieme
senza fà ca io tiro e tu muolle.
'E chiacchiarune
ne so' passate tante.
Ormaie
mutatis mutandae
avessemo stà cchiù pulite.
A chi nun piace 'o muorzo sapurite ?
però nun fà
ca io tiro e tu muollo
ca si se scolla 'o cuollo
resto senza capa.
Nun so' nu pupo
e nun pazzià cu mmico.
'O muorzo sapurito
pice a tutte quante
e ce accurgimmo a doppo
ca cà nisciuno è santo.
Nun me chiamma scucciante!
'E fessarie n'ammo sentite tante.
Pure santu Catiello
ca si se scocce
pure si è vicchiarello....
Mannaggia 'o suvariello!
Mannaggia e po' mannaggia.
quanno me vene arraggia
nun saccio c'aggia fà
pe m''a fà passà
E allora sfrenneseo.
e te ne dico doie.
Chell'ati quatte astipo
Si nun te tiro appriesso
cu tutto lu piatto
'e pozze dà a na jatta.
G.Ruocco 2015
Nessun commento:
Posta un commento