Catellammare a ............
Vedenno ch'è succieso,
m'era passato 'e mente,
mò campo a n'ata parte.
me sento malamente.
Ancora cu sta storia ?
Mò tengo uttant'anne
e m'arricorde a quanne
ero nu guagliunciello.
Me che ce fanno 'ncopp''o municipio ?
Aspettano ca qualche lavarone
se porta a mmare chello resta 'e bbuono ?
E comme apparicchiammo sta menesta?
Si nun chiurimmo 'a porta
'ascimmo p''a fenesta !
Facimmo 'o lungomare
e po' ce 'o scialacquammo.
Primmo 'e fà ati spese
guardammo bbuono
chello ca resta a fà.
E nun me mettimmo pezze
ca se scoseno
e nun facite
comme a chi cummanna
c'azzuppano
ma mò, ma mò
addo stanno
ca 'mmiez'a piazza
nun se vede
nisciuno 'e loro a mmuollo ?
Gioacchino Ruocco
Ostia Lido 04.11.019
Nessun commento:
Posta un commento