Nun sempe addore…

                                                                         Anna Ruocco

Nun sempe addore…

Nun sempe addore

dice che succede

nun sempe ‘a ggente dice

chello ca penza,

neppure zi Vicenza

ca redeva sempe

‘o diceva maie.

Diceve pe nun perdere ‘a ccliente:

- Si  vuie site cuntenta v

pur’io songo cuntenta.

Lasciatele  parlà,

‘a ggente chesta fà

ca tene invidia ‘e tutto

pure ‘e chi veste a lutto.

Comme ve cade’ncuollo stu vestito,

nu passo ‘ngrazie ‘e Ddio unun ‘o facite.

Appena ascite ‘a ccà

saranno ciente a chiederve

chi ve l’ha cusuto

o addò l’ate accattato.

Overo ve sta bbuono.

Basta piglià ‘e mesure

e fa na prova sola
‘ncuollo a vuie.

Ve va ‘a penniello

e vuie cu sta faccetta,

zuchille ‘e caramelle,

chi sa si ce arrevate a casa vosta ?

Nun sempe addore

dice che succede

Nun sempe ‘a ggente dice ‘a verità

Ma quanno ascite ‘a ccà

e resteno ‘ncantate

guardanno sta pupata

ca site addeventata

pigliatavelle

tutt’’e cumplimente

quanno va bbuono

nun c’è niente ‘e meglio.

Lasciatele schiattà

tanto dimane

ve diciarranno

‘o riesto  ca penzate

c’hanno schiattato

pure int’’a nuttata.

Gioacchino Ruocco

05.03.2020             Ostia Lido