Cumpassione

 

Cumpassione

 

Si me cumpiatisce

te perdono

ca nun è ammore ‘o tuio

é sulo cumpassione.

 

Stamme vicino

pe me levà ȃ cuollo

‘o dulore ca mò sento

ca sta passanno ‘o tiempo

e nun s’arrenno

comme a chillo ‘e Chillo

ca duraie tre ghiuorne

e po murette.

 

C’aspiette

ca m’a esce pure ȃ me ȃ pietto

nu strillo

‘e pataterno pe murì ?

 

Io nun so’ nisciuno,

ma si resto eterno pe suffri

m’’o ddice

c’aggia fatto ‘e male

c’’o voglio capì

na vota tante

si ‘e tante uommene ‘e niente

songo sante ?

 

Nu schiaffo ȃ faccia chi te l’ha levato ?

Vulive ll’acqua e t’hanno dato acito

ca io ancora, io nun ero nato

si no te devo ‘a sango mio

pe nun te fa murì

fino a tre ghiuorne doppo

quanno risuscitaste.

 

Gioacchino Ruocco                                                                                                                                                                                           Ostia Lido   03. 07. 2021