Ogge nun saccio ancora...

                                                 Ogge nun saccio ancora...

 

Ogge nun saccio ancora

stu core che me conta,

che va truvanno a me

mentr’io saccio

chello ca voglio ȃ isso

senza fà scummesse

senza pigliarce ‘ngiro

ca è sempe tiempo perzo.

 

Si fosse ‘ntussecuso

nun ce parlasse proprio

ca io tengo n’ata capa,

n’ata idea  ê comme

è fatto ‘o munno

e ȃ funno ‘nziemo a isso

nun ce vogl’jì

c’ȃ sempe me dispiace

ê fà na brutta faccia

a chi ave bisogno

ê vvote ê na parola

ê vvote ê tutt’’o munno

ca na carogna

nun ce so’ stato maie.

 

Puozzo passà nu guaio

a chi ‘o pozzo dì

c’a è tutta ggente

ca sta peggio ‘e me

e a mmiez’’e guaie

ȃ n’eternità

e aspettano

ca io passanno ȃ llà,

addò lloro stanno

le do ‘o tesoro

ca vanno truvanno

comme a doie parole

p’’e cunzulà nu poco

e qualche spiccio

pe fà a mmodo lloro

chello ca vonno fà.

 

Pe me so’ nu capriccio

pe lloro na furtuna.

‘E vvote lascio

qualche cafè pagato

m’aspettano a me

pe so piglià

offerto a lloro

ca sanno chi ha pavato

e senza ê me

nun l’hanno cunzumato

pe farme nu regalo

ca pe lloro

io so’ uno êfamiglia

so’ nu frato.

 

Ostia Lido  14.07.2021  h 08.30

                                                Gioacchino Ruocco