Nu pate e na figlia
se so’ occupate già ‘e poste.
Tu vaie alle imposte
E io scasso ‘a città,
io faccio proposte
e tu vaie a ‘ccuncià-
Si ‘n avasta sta villa
scassammo ‘o riesto d’’e strate.
Cchiù munnezze facimme
e cchiù allera
sarà sta jucate
‘e tre sette.
Chi avascia, chi aiza,
chi ‘o leve e chi ‘o mette.
Tengo tanta munnezza astipata
ca dint’’a nuttata
‘o ghiette p’’e vie
alluccano: - Chi è stato ?
Sti figlie ‘ e mappina,
guardate che fanno!
Ma a ddo ‘o teneveno
tanta lutamma ?
‘Ncopp’a cuscienzia ?
Intanto simme quase arrivate.
N’ata fermata,
na stazione
e cuntemplanno n’atu mistero,
ca Ddio ce ‘a manna bbona.
Ca isso ce ha fatto !
Si po s’è distratto,
facesse attenzione
‘a prossima vota
ca nun se sta bbuone
campanno accussì.
Gioacchino Ruocco
Ostia Lido 26.05.016
Inserita nella
“Raccolta
differenziata: Campagna elettorale.”
Nessun commento:
Posta un commento