Se sta facenno notte

Se sta facenno notte

Se sta facenno notte

e chi ‘o sa che purtarrà ‘a nuttata !

Me sento scunfirato e ‘un ce so’ sante

cchiù ‘ncopp’’o calannario ‘e stu paese.

Chi ce farrà ‘e spese ?

Nun ‘o saccio!

Comme a nu straccio

me sento fatto ‘a piezze

sempe cchiù piccerille!

Sempe cchiù bruttulella

se sta facenno ‘a faccia

e cchiù sciauratella

è addeventata ‘a chiazza,

‘a villa, ‘o lungo mare

ca pe duie passe

ormaie è na semmana

ca io nun scenno cchiù.

Passene ‘e mise

e dint’’o tirature

na cammisa nova

nun ce ‘a trovo cchiù.

Sarrà c’’o tiempo

passanno se ne porta

‘a vita e l’anne cchiù belle,

ma stu burdello

nun se ‘o porta maie.

Cu quale sentimente so’ crisciute

chisti signure

ca invece ‘e appriparà

na bella vita

se so’ futtuto pure ‘o giravite

c’a vita nun s’astregna

e nun se svita.

Gioacchino Ruocco

Ostia Lido           09/05/016