Chi è....

Chi è…

Nun te sapevo,

m’appena te vedette

ire ‘a cchiù bella

ca ce steva a mmunno.

Ire nu palmo ‘e femmena,

ire na cusarella

comme a na caramella

ca quanno ‘a scarte

te vene voglia

da ‘ncartà ancora

e t’astipà

pe quanno vene ll’ora.

Chi è ?

E m’’o ddumanne pure ?

Guardate dint’’o specchio

comme si fusse annure

cu ogne penziere

ca te vene a mmente.

Si bella mò

ch’’e tiempo ‘n è passato

e ghire ‘o principio

‘e chello ca si stata.

Tenive appriesso cchiù guagliune tu

ch’’e pastarelle fatte ‘a Catellino.

Ire na sfugliatella, ire nu sciù

na santarosa cu ‘e capille riccie

e nu babà ca nun ne fanno cchiù.

Gioacchino Ruocco

Ostia Lido            17.06.016