Stanche ormaie ’e nun fa niente
ammulammo ancora ‘e riente
c’’a sperenza d’ausà.
Stanche, muorte, già qualcuno,
sento ca so ‘o si nisciuno.
Nu piatto ‘e maccarune
reste ll’unica sustanza
ca ce regne ancora ‘a panza
cu ‘e turmiente ca ce danno
chille ca ce vonno muorte.
Po ghjì stuorto n’ata vota,
ma sta rota a ddà girà.
Nun po’ esse ca sta vita
resta sempe tale e quale
e io songo ‘o malamente.
Primme ‘e terme , po’ ‘e cantiere
primma ancora ‘e furastiere
sta murenne stu paese
sott’a cennere d’’e nfame
mentre nuie pane e pane.
Allarganno ‘o campusanto
ce hanno fatto nu regalo
ca si muore e nun si santo
cammurriste o bbuono a niente
danno ‘o posto a tutte quante.
Gioacchino Ruocco
Ostia lido 04.06.016
Inserita nella raccolta “Campagna
elettorale”
Nessun commento:
Posta un commento