Santu Catiè che dice ?
Quann'uno è vicchiariello
a casa s'arretire sempe ampresse.
Puteveno però almeno pe na vota
farme vedè 'a partita pure a me.
E' overo ca nisciuno vene a chiesa
a dumannà na grazia pe sta squadra.
Si uno vò jì 'nnanze 'e sacrificie
l'addà fa sempe cu 'a panza soia.
Pecchè viene e m'appicce 'o cannelotto
t'avesse fa 'o biscotto musciulillo ?
Che so' rentiste ? Facce 'o mestiere 'e ll'ate ?
Guagliù nun pazziammo cu sti cose!
Ognuno addà tenè 'e mane a pposta.
Meglio accussi ca si facevo 'o stuosto
e succedeva overo qualche 'nguacchie
'a colpa era mia..Nun voglio dì cchiù niente !
'O papa, 'a cchiesa, Gesù Cisto 'ncroce
ma overamente, ma nun state bbuone?
A stu paese nun resta quase niente.
Si ce credite songo fatte vuoste.
Io ca so' sante sentenno dì all'ate,
lasciate perde, 'a chiesa è sempe aperte
e bracce ' e Ddio ancora cchiù a saie
Vulite jì 'o triate? Vederve na partita ?
Se vuie ve divertite jatece cu 'a famiglia.
Si ve vulite bbene pur'io so' cuntento.
'E vvote 'a gente trasce pe nu sciuscio 'e viento,
na ncatastata d'acqua, ave paura…
Che faccio 'e chiure 'a porta ‘nfaccia ?
Io so' nu santo e no na capa 'e morte
ca corre sempe 'ngiro
pe se purtà 'e stuorte.
Gioacchino Ruocco
09.05.017 Ostia Lido
Nessun commento:
Posta un commento