Via Poma (Le vie traverse )

E cosi sia.

Dint’o spazio ‘e sta via

che può dicere ?

N’avemmaria

c’addeventa duje passe

e no ‘o sconquasso ‘e sta vita

che m’haie cumbinato.

Na resata

e cagnave penziere!

Già aiere tu ire accussi !

T’arricorde ca jucave

cu ‘e masculille.

Ca me sceppave ‘e capille

nun ‘o sapevo.

Si avesso saputo ?

Che può fa

quann’’o core se perde

e passe c’’o russo

invece d’’o verde.

‘O sento ‘int’’o viento

‘o prufumo ca miette.

Pe mancanzo ‘e rispetto

me levo d’’a via

e me dico penanno:

- E cosi sia.

Gioacchino Ruocco

23.05.017                Ostia Lido