Io stongo ‘e casa ccà…

Arenile davanti al lungomare di Castellammare di Stabia

Io stongo ‘e casa ccà…

Io stongo ‘e casa ccà

si me cercate,

giraie ‘e spalle

e scumparette

‘a n’nte a ll’uocchie mie.

Ma comme se chiammave

‘un m’’o dicette.

Senza nu nomme

sulo rummanette

mmiez’a sta via,

nnante a nu purtone

can un teneva nomme

n’etichetta

na campanella

pe chiammà qualcuno.

Dint’’o curtile

nun ce steva n’ombra

e manco panne stise.

‘Ncopp’a ll’arco

tanta bardana

c’arrivava ‘nterra,

chi sa ‘a quant’anne

nisciuno cchiù ‘a tagliava.

All’impruvviso,

ma parette n’ombra

passaie affinaco a me

nu filo ‘e viento,

nu sciato

‘e chi perdette ‘a voce

e  nun dicevo niente

‘a tantu tiempo

ca ddio ‘ncroce

sulo ‘o senteva

quanno ‘ncopp’a croce n

nun se distraieva

pe guaie

‘e chi sta cchiù luntano.

Castiellammare

è fatta ‘e tanti mode

c’‘a ggente ce fà ‘a coda

pe ce venì a campà.

Abbasta ca busco qualche sorde

e nu surriso ‘e chi te passa affianco.

‘E muorte

ce ne so’ state tante

c’’a sera ‘ncopp’o lungomare

ognuno ognuno ‘e lloro

se va chiaitanno ‘o suio.

Quanno ascevano ‘e lampare

era cchiù bello ‘o mare

e a core a core

e ognuno ‘e nuie gagliune

c’’o suio cammenava

senza penziere

o pe cercà fatica pe ce restà.

Chi vo sapè ‘e me

io stongo fore

e more ogne sera ‘e nustalgia.

M’appare

c’’o mare nnante ‘a casa

e doie telline

ca trovo ‘nterr’a rena.

‘A quanno

a muglierema

io ‘a mettete prena

faccio ogne tanto

na passata ‘e sera

pe nun m’annuppulià

cu tutte quante

cu chi ancora s’arricorda ‘e me.

Forse so rimasto sulo sulo

cu ll’anne ca mò tengo

ca ‘e paisane mie

ormaie so’ ll’ate

e chiedo scusa

a chi m’è suppurtato fino a mò.

Ma appena pozzo

na sfugliatella

io m’’a vengo a ffà

al Caffè Napoli

ca io sento ancora

comme a casa mia.

Ma Catellino

chi ‘o sa ce stà ?!

Gioacchino Ruocco

27.04.2020 Ostia Lido

Pontile di Ostia con le spalle al mare