‘A verità
Quanno me mette a leggere
nu poco Facebook
sento ca tu allucche
comme a nu ciuccio o arraglie
ca quanno parle pe te fa capì
a ll’ate nervuso comme staie
‘ntartaglie,
nun dice na parola
comme se vo ch’è scritta.
Veco ca facite na ‘mmuina
pe vi piglià ognuno na parrocchia
parlanno a capocchia
o a chi fa cchiù ‘o guappo.
Scrivo sta nota
pe t’arricurdà
c‘’a verità
è sempe una sola,
ch’è na parola
‘e chi ‘a conta
e resta sempe ‘a stessa
senza fa fesso
a nisciuno
pure si ognuno
conta ‘a soia.
Gioacchino
Ruocco
Ostia
Lido 06.12.019
Nessun commento:
Posta un commento