M’è fatto penzà a neve…

M’è fatto penzà a neve…

M’è fatto penzà a neve

cu sti fotografie!

‘A quantu tiempo

nun è caduta cchiù ?

Addò sto ‘e casa

fa nu friddo strano

e quanno chiove

so’ tempestate d’acqua.

‘O mare tempestuso

pare c’ha perzo ll’uso

d’’a ragione.

E’ tiempe ‘e neve

ma a ‘o cielo

llè passata ‘a freva

e ll’onne s0’o cuiete

comme ‘e prete

ca resteno pe terra

senza na surriata

pe te spaccà

ca è tosta comme a lloro.

Te sto aspettanno a n’ora

e pare na semmana.

Vurria nu vaso a te

pe fa Natale.

M’è ditto ca turnave

ma dint’a stazione arreparato

pare ca ‘o tiempo

s’è fermato addò

fa friddo overamente.

‘O viento

me st’abbrucianno ‘a faccia

e io me trovo

senza sapé che fà.

Che faccio? Aspetto ancora

o me ne torno a casa ?

                                       Gioacchino Ruocco

                                    Ostia Lido 06.12.019