A quanno t'aspetto....

A quanno t'aspetto

faie finta ca te scuorde 

o arrive tarde

pecchè tu vuò accussì?

Manco 'e mallarde

fanno comme a te

ca cu na via deritta

passo a nu viculo 

e po' a n'ato

facenno tarde,

facenno finta'e fà

nun saccio che

guardanno 'e putechelle,

e all'urdemo

fermammete 

a nnante 'a madunnella 

d''o Vico d''o Gesù.

Gesù, Gesù

ne vaie perdenno tiempo

jenne a na parte a n'ata

tante luntana

ca nun te 'mporta 'e me

e tiene sempe 'a fà

nun saccio ch'è.

Castiellammare

nun è tanta grossa

ca si te rumpe 'e cosse 

doppo nu minuto

'o sanno

pure chi 'nn 'o vo sapé.

'A quanno staie cu mme

cchiù 'e qualcuno

m'ha ditto e me stà attiento.

Me giro attuorno

justo pe sta tranquillo

ma quanno tira 'o viento

nun trase cchiù 'nt''e viche

c''a coppe pò cadè...

sempe qualcosa...

Si tiene dint''o core

qualcosa ca nun và

Io m'alluntano a te

e te saluto.

Si pienze ancora a chillo

primme 'e me

nun saccio c'aggio fà

pecchè t''o scuorde,

ma nun me fà fà tarde

pur'io tengo a' fà !

Gioacchino Ruocco

Ostia Lido 09.01.2020