Nun t'arraggià
si 'ncopp'a Facebook
p''a faccia mia
ce aggio miso a Toia,
M'ero stancato
'e sentì buscie
m'ancora ogge è 'o stesso.
Nun tengo core
'a apprufittà 'e ll'ate
e manco 'e Te
ca si overo santo.
Nun dico fessarie
pe me sentì 'mpurtante,
ma voglio arricurdà
a tutte quante,
ca quanto è overo Ddio,
ognuno 'e nuie
addà fà 'a parte soia
e dà na mano
a chi cchiù nun 'e tene
e allerte se mantene
pe miraculo
e no quanno so' muorte
'int''e triate
o 'mmiez'a villa
addò ce stanno
buste arremmeriate
ca fanno 'a fine
ca manco ll'osse fanno
dint''o campusanto.
Pigli' a Rafele
è già 'a terza vota
ca 'o stanno arrefriscanno
'a quanno é muorto
c'ormaie so tant'anne
pure si 'o suie
s''a sempe guadagnato.
Santu Catiè
pe me tu si nu pate
e comme a tale
te voglio bbene tanto
e po' pecchè
si overamente santo
e sante cchiù 'e te
nun ce ne stanno.
Gioacchino Ruocco
Ostia Lido - 20.01.2020
Nessun commento:
Posta un commento