Quanno 'o sciummo era pulito

Quanno 'o sciummo era pulito

l'acqua t''a vivive.

e ghiera 'a doppo 'a guerra.

Ormaie so' tant'anne

ca nun è cchiù accussi.

'O muorzo sapurito

mò tene dint''o vvrito

ca ogne fetenzia

se votte a mmiez''e terre

e primmo 'e tutt''e fraveche

ca pure si faticano

pesielle e pummarola

nu juornp 'o fanno verde

e n'ato russo

ca pare na puttana

ca s'è pittato 'o musso

e po' 'a mmerda

d''e paiese attuorno

ca invece 'e depurà

tirene 'a catena

e vaie che và

ca tanta fetenzia

arriva a mmare

ca a Ruvigliano 

nun se campa cchiù.

Qua' cannulicchie

t'arricuorde tu,

qua vongole, lupine,

sarachielle, vavose ?

A mmiez'o mare

nun ce stanno bbuche

ma si sprufonne 

te truove

dint'a mmerda

c'arriva d''e paiese tuorne tuorne

senza chillu scuorno

'e quanno ero guaglione

quann'ero castigato

pe nun sapè 'a lezione.

Gioacchino Ruocco

Ostia Lido 21.01.2020