Santu Catiè, nun me strillà
si 'ncopp'a Facebook
pe faccia mia
ce aggio mise 'a TOIA.
M'ero stancato
'e sentì buscie,
ma ancora ogge è 'o stesso.
Te fanno fesso
cu na faccia tosta ca...
Nun tengo voglia
'e apprufittà 'e ll'ate
e manche 'e TE
ca si nu santo overo.
Nun dico fessarie
pe me sentì 'mpurtante,
ma voglio arricurdà
a tutte quante,
pe quanto é vero Ddio,
ca ognuno 'e nuie
addà fà 'a parta soia
e dà na mano
a chi cchiù nun 'e ttene
e allerte se mantene
pe miraculo
e no quanno si mmuorto
'int''e triate...
A 'mmiez'a Villa,
ce stanno
buste arremmeriate
ca fanno a fine
ca manco ll'osse fanno
abbasci' 'o campusanto.
Pigli' a Rafele....
E' già 'a terza vota
ca 'o stanno arrefriscanno
'a quanno muorto.
Nisciuno s''o filava
pure si 'o ssuie
s''a sempe guadagnato !
Che ffine è fatto ?
Addò l'avito miso ?
E' meglio a murì 'mpiso
o a essere nisciuno
senza pigliarse a tise
'mmiez'a villa....?
O chello ch'é succieso
nun è overo ?
Gioacchino Ruocco
da Ostia Lido 20.01.2020
Nessun commento:
Posta un commento