Che vita ‘e cane…

Che vita ‘e cane…

Che vita ‘e cane,

ma senza a nu patrone.

Patemo era muorto

ca io ero guaglione

e m’appenevo a ‘e suonno

ca ll’ate

senza ne arte e pparte

faceveno  ogne  ghiuorno

campanno ‘int’’e triate

io ch’ero figlio ‘e n’ommo

c’accummincianno a niente

m’aveva miso a munno

danneme  ll’arte soia.

N’anema ‘nnucente

ca primma ‘e me

ava capito ‘a ggente

ca sulo  c’’o triato

truvava l’allegria

c’aveva perzo

currenno appriess’’e guaie

c’’a vita’e cunzignava

juorno  pe ghjuorno.

Bastava na resata

pe c’’e fà scurdà

ma  ‘e ggente ereno tante,

‘e sante sempe ‘e stesse

ch’ereno cchiù fesse

‘e chi ‘e pregava,

ca na resata

nun custava tanto,

duie solde, nu centesimo

ca quanno se perdeveno

nisciuno s’’e chiagneva.

Gioacchino Ruocco

01.20.2020 Ostia Lido

Dedicata a Raffaele Viviani