Castiellammare

Castiellammare

Intanto l'acqua scorre

d''o core d''a muntagna.

Ma ce ne stesso uno ca se lagna ?

Qualcuno forse

ca passanno a ccà

qualcosa s'arricorde

'e tantu tiempo fà.

Cu nu bicchiere mmano 

comme a na a pazziella

jeva 'a na funtanella a n'ata.

E comme le piaceva !

Mò scorre a mare.

So' sule 'e pisce

ca ne sanno addore,

'o sapore

uno diverso a n'ato.

Se songo 'mbriacato

pe tant'anne

'e chesto bbene 'e ddio

c'ormaie so' cient'anne

ca stanno ancora a bevere

e a scialà.

Intanto ll'acqua scorre

'a Media, San Vicienzo,

l'acqua d''o muraglione

e chella pe ghjì 'e cuorpo,

chella pe l'arenella,

chella ca te fà cchiù bella.

Fore che c'è rimasta ?

'A citula, a citusella, 

chella d''a Maronna

ca t'arrefresca 'o core

ll'uocchie, 'a faccia

ca cchiù ne vive

e cchiù ne vularrisse.

Ce spriemme nu limone e t'arrecrie

e comme a na cantina

nun piglia 'a vie

e te ne jì a casa

pecchè cchiù vive 

e cchiù é l'arrecrie

cu 'a giarra mmane

e nu penziero

ca se ne va luntano

a quanno ire guaglione

e arremmeriava

'a voglia 'e jì pe mare

cantanno dint''o core:

- Castiellammmare mio,

Castiellammare...

Gioacchino Ruocco

16.03.2018         Ostia Li